Nagapangayo sang pasaylo ang general manager sang Central Negros Electric Cooperative (CENECO) sa mga kunsumidor matapos nagluntad ang brown-out sa ciudad sang Bacolod kagab-i.
Sa interview sang Bombo Radyo Bacolod kay Atty. Arnel Lapore, ang rason sang brown-out amo ang nautod ang kable sa babaw sang Bacolod-Bata 69kV aerial ground sa Murcia Road corner Montessori School gani gintrouble shoot nila ini.
Suno kay Lapore, para sa safety purposes kag agud nga matrouble shoot ang Bacolod-Bata 69kV aerial ground, nagpatigayon sang Manual offline sang Bacolod-Alijis 69kV line.
Suno diri, wala man sang corrosion ang linya bangud sang 2022 lamang ini gin-energized gani ang ginalantaw sini nga tuman ang stress sang power line bangud man sa current sang kuryente nga nagalabay diri.
Ginpahayag man ni Lapore nga una ini nga bes nga natabo nga nautod ang linya sang Bacolod-Bata 69kV line.
Ginpahayag man sang CENECO general manager nga masami man sila nga nagapatigayon preventive maintenance agud nga maislan na ang dapat islan kag malikawan ang pagluntad sang brown-out.
Ginapaimbestigaran man ni Lapore kun paano nabugto ang kable sa babaw sang 69kv line nga bag-o pa man ini
