Pasakaan na sang kaso ang mga naaresto nga ginatudlo remnants sang nadismantle nga Northern Negros Front (NNF) sang Communist Terrorist Group (CTG) sa Barangay Pinowayan, Salvador Benedicto, Negros Occidental.
Ang 79th Infantry Battalion sang Philippine Army kag mga kapulisan ang naglunsyar sang Joint Enhanced Military and Police Operations (JEMPO), nga nagresulta sang pagkadakop sang tatlo ka mga persona nga naga-edad sang 21 anyos kag duha diri ang mga menor de edad nga nagaedad sang 16 kag 17 anyos.
Nakuha sa mga nagkaladakpan amo ang mga assorted firearms kag ini ang ginlakipan sang Isa ka KG-9 sub-machine gun;isa KG-45 sub-machine gun; duha ka caliber .45 pistol; duha ka homemade 12-gauge shotgun; isa ka 12-gauge shotgun (magazine fed); isa ka caliber 38 revolver; duha ka magazines sang KG-9 sub-machine gun; duha ka magazines sang KG-45 sub-machine gun; duha ka magazines nga para sa caliber 45 pistol; isa ka magazine para sa 12-gauge shotgun; 30 ka live ammunitions sang caliber .45 pistol; tatlo ka live ammunition sang 12-gauge shotgun; lima ka empty cartridge case para sa caliber 45 pistol;tatlo ka backpacks nga nagaunod sang personal belongings;isa ka ammo box para sa caliber .45 pistol; lima ka live ammunition sang caliber 9mm ball; lima ka empty ammunition sang 12-gauge shotgun; duha ka magazines para sa caliber .45 pistol; kag Thirty eight (38) live ammunitions para sa caliber .45 pistol.
Sa interview sang Bombo Radyo kay Police Major Rey Tolosa Jr, ang duha ka menor de edad ang yara sa kustodiya sang Department of Social Welfare and Development samtang ang 21 anyos naman ang yara sa kustodiya sang Salvador Benedicto Municipal Police Station.
Ginalantaw sa karun nga isa sa menor de edad ang kaupod sang mga suspek nga nagluthang sa duha ka mga persona sang nakaligad nga Marso 28 nga ang resulta sang pakapatay sang mga biktima.
