Nadiskubrehan sang isa ka hiker ang ginatawag nga “lost world” nga ginabanta nga magadangat sa 280 million ka tuig ang edad.
Ini ang nadiskubrehan ni Claudia Steffensen samtang nagahiking sa Italian Alps sa Valtellina Orobie Mountains Park sa Lombardy, Italy.
Sang makita ni Steffensen ang pinasahi nga disenyo sa isa ka bato nga sa ulihi natukiban nga ini ang agi sang sapat nga nagikan sa prehistoric nga panahon.
Ang mga agi ang natumod nga ginapanag-iyahan sang mga reptiles nagikan sa Permian period antes pa man nag-abot ang mga dinosaur.
Magluwas sini, natukiban man ang linibo nga iban pa nga mga fossil nga agi sang nagkalain-lain nga sahi sang species kalakip na ang mga reptiles, amphibians, kag mga insekto, nga may kalabaon nga 12 feet.
Kalakip man sa mga natukiban nga fossil ang mga agi sang tanum, mga tul-an, dahon kag mga sanga pati man ang agi sang tulo sang ulan kag balod nagikan sa prehistoric lake ukon sapa.
