Patay ang isa ka bata nga lalaki matapos nga gintiro sang wala pa nakilala nga suspetsado sa Locsin-Cuadra Streets sa tabok sang Bacolod City Public Plaza pasado ala-1:00 sang kaagahon subong nga Sabado, July 13.
Ang 12 anyos nga biktima nga si Dean Rod Cepeda ang ginaalegar nga may diperensya sa paminsaron.
Suno sa mga witness, ang suspetsado ang nagasakay sa motorsiklo.
Ginbantayan sini nga nagaisahanon ang bata nga nagatindog sa corner kag iya ini nga gintiro sa ulo.
Suno sa iloy ni Cepeda, ang biktima ang isa sa duha ka mga lalaki nga gin-updan ni Danica, ang 5-year-old girl nga namissing sa Purok Water Lily, Barangay Zone 10, Talisay City sang July 1 kag July 2 sang kaagahon na nakit-an sa La Salle Avenue, Barangay Villamonte, Bacolod City.
Suno sa iloy, ang iya bata ang ginasugo-sugo ni Makoy, ang ginpriso sa Talisay City Police Station kag ginkasuhan sang abduction bangud sa paghagad kay Danica nga mapadulong sa Bacolod.
