Dakop ang isa ka high value individual kag tatlo ka iban pa matapos makuhaan sang masobra isa ka kilo nga suspected shabu sa drug buybust operation nga ginpatigayon sa Raymundo Avenue Hermelinda Subdivision, Brgy. Mansilingan, Bacolod City kahapon.
Interview clip of Police Lt. Col. Antonio Benitez, BCPO-CDEU HEAD
Ginkilala ang mga nagkaladakpan nga sanday Nadal Verde, 42 anyos, babayi, high value individual kag residente sang Hermelinda Homes, Brgy. Mansilingan, Bacolod City; Cheryl Bulandras, 36 anyos, single, caregiver kag residente sang Purok San Roque, Brgy. Handumanan, Bacolod City; Richard Javellana, 36 anyos, single, service crew, kag residente sang Zone 1, Barangay Handumanan, Bacolod City; John Kyle Treyes, 23 anyos, waiter; single kag Angelo Martinez, 23 anyos kag pareho nga residente sang Purok Cabuguason, Brgy. Mansilingan, Bacolod City.
Sa interview sang Bombo Radyo Bacolod kay Police Lt. Col. Antonio Benitez Jr., head sang Bacolod City Drug Enforcement Unit, nagpatigayon sila sang monitoring kag ang subject person ang masami nga nagasaylo-saylo.
Suno kay Benitez, lima na kabulan nila nga ginamonitoring ang aktibidad sang drug personality.
Suno diri, nagwa na sa ciudad sang Bacolod si Verde kag ang nobyo sini sang-una nga kaupod niya man sa pagbaligya sang illegal nga druga ang nadakpan naman sang CDEU kag siya ang ginatudlo nga source.
Nakuha sa paghinakop sini ang 1, 535 grams sang suspected shabu nga may standard drug price of Php 10, 438, 000.00.
Wala man sang namonitoring ang mga otoridad nga may pot session bangud magluwas kay Verde may tatlo pa ka persona ang nadakpan.
Ginapatsekyar pa sa karun sang mga otoridad kun may yara ini sang iban nga kaso sa iban nga lugar bangud may mga transaksyon man ini sagwa sang Bacolod City.
