Nagapati ang political analyst nga pagalawagon man ang mga ginhingadlan nga “co-perpetrators” sa war on drugs sa “confirmation of charges” hearing sang Interntional Criminal Court (ICC) sa Lunes, Pebrero 23.
Ginpaathag ni Atty Jomax Ortiz nga ang “confirmation of charges” amo ang proseso kun sa diin pagabasahon ang mga akusasyon batok sa akusado agud hibaluon kun may igo nga basehan ang kaso.
Suno diri, kun matapos na ang hearing sang ICC sa confimation of charges, posible nga magpagwa na sang warrant of arrest batok sa ginatudlo co-perpetrators nga sanday Senators Ronald “Bato” dela Rosa, Christopher “Bong” Go kag iban pa.
Apang suno sang Political Analyst, preparado ang kampo ni Duterte ilabi na sanday dela Rosa kag Go sa ila legal remedies nga mahimo nila gamiton kun may warrant nga ipagwa.
Ginpahayag ni Atty Ortiz nga ang ini nga proseso nagaangot sa international law kag ginahimo santo sa mga layi sang international court kaangay sang ICC.
