Indi pabor si Negros Occidental Governor Eugenio Jose “Bong” Lacson sa plano nga aerial spraying sang systemic chemicals bilang solusyon sa nagaduging nga halit sang red-striped soft scale insect (RSSI).
Suno kay Lacson, mas luyag sang probinsya ang “green approach” sa pangkontrol sang peste sa baylo nga maggamit sang mga aerial spraying.
Suportado sini ang In the context of agriculture, fungal production kag ginpahayag nga indi hatagan sang fund sang probinsya ang ginaduso nga aerial spraying.
Bangud suno sa Gobernador, nagakahangawa ang nagkalain-lain nga sektor sa posible nga epekto sang aerial spraying.
Suno sa iya, mahimo nga madala sa hangin ang kemikal sa mga katupad nga barangay ilabi na sa mga malapad nga katubohan.
Luwas diri, posible man nga maapektuhan ang mga komunidad kag mga kasapatan.
Bangud sini, ginpanindugan ni Lacson nga mas maayu nga gamiton ang bioligical control bangud ini ang mas luwas kag makonsiderar nga long term solution sa problema sang RSSI.
Padayun naman ang pakigkoordinar sang probinsya sa nagakalain-lain nga sektor sang sugar industry kag ahensya agud mapalig-on ang pagpatuman sang mga environmental friendly nga mga tikang batok sa RSSI.
