Nakuha ni Marjen Iwayan sang Vito Elementary School sa Sagay City ang bulawan nga medalya para sa Negros Island Region sa Palarong Pambansa 2026 sa Agusan del Sur.
Ini ang back-to-back gold medal na ni Iwayan, bangod siya man ang nakakuha sang bulawan sa nakaligad nga 2025 Palarong Pambansa sa Ilocos Norte.
Ginakalipay sini nga nagbunga ang iya pagpangabudlay kag pagpalanakit sang lawas sa training.
Ang kadalag-an ang ginahalad sini sa tanan nga nagsuporta sa iya kalakip na ang iya pamilya, coaches, eskwelahan, kag mga opisyales sang Negros Occidental Provincial Government.
Samtang umpisa pa lamang, ginalauman na sang local coach ni Marjen nga siya ang makakuha sang gold medal.
Ginpasalamatan ni Coach Angelie Severo sang Vito Elementary School, ang paggiya sang nangin coach ni Marjen gikan sa pagdaog sini sa Division meet, para mapreparar sa Palaro.
