Golden State Warriors forward Draymond Green, ginmultahan sang $50,000 sa pagkwestyon sa game officials

Ginmultahan sang NBA si Golden State Warriors forward Draymond Green sang $50,000 ukon P2,778,695 sa pagkwestyon sa game officials sa Game 3 sa Western Conference semifinals.

Sa statement sang NBA, may ginbuy-an nga inappropriate comment si Green nga nagakwestyon sa integrity sang game officials.

May komento si Green nga ginbuy-an direkta sa officials nga nagareferee angot sa 5.5-point spread sang game.

Sa tunga-tunga sang game sa fourth quarter, ginpagwa si Green sa court.