Ginbaton na niya kuntani ang challenge apang nag-isol si incumbent Silay City Mayor Mark Golez sa panghangkat ni former mayor Jose ‘Oti’ Montelibano nga mawithdraw ini sang iya kandidatura sa tion nga mabali sini ang iya akusasyon tuhoy sa Statement of Assets, Liabilities, and Net Worth.
Ini ang kasunod sang akusasyon ni Golez nga wala naka-file sang SALN si Montelibano sang tuig 2015 kag 2016 nga nangin rason sang pagpasaka sang kaso sa Office of the Ombudsman batok sa iya.
Suno kay Montelibano, kumpleto ang iya SALN kag handa ini nga ipakita kay Golez sa anuman nga oras.
Sa tion nga mapakita niya ang SALN suno kay Montelibano, dapat nga magwithdraw sang kandidatura si Golez.
Ginhangkat man sang incumbent mayor si Montelibano nga maisol ini sa tion nga mapakita niya ang certification sang Ombudsman nga wala sang SALN ang anay opisyal.
Sang ulihi, ginpahayag ni Golez nga ginatugyan na niya sa Ombudsman ang amo nga kaso agud indi ma-sub judice.
Bangud sini, nagkadlaw nalang si Montelibano.
Yari ang kabahin sang pagsabtanay nanday Golez kag Montelibano sa Debate sa Bombo.
