Ginkalipay sang gobernador sang probinsya sang Negros Occidental ang nangin performance sang mga atleta sang probinsya nga naghatag sang pila ka gold medal sa Western Visayas Regional Athletic Association (WVRAA) sa Palarong Pambansa 2025.
Madumduman nga 18 sa 44 ka gold medal sang Western Visayas ang naghalin sa atleta sang Negros Occidental.
Suno kay governor Eugenio Jose ‘Bong’ Lacson, nalipay ini sa performance sang mga atleta ilabi na nga may yara pa sang record breaking performace si Mico Villaran.
May yara sang incentives nga ihatag sa mga atleta, P10,000 para sa nakakuha sang gold medal, P7,000 para sa nakakuha sang silver medal kag P4,500 para naman sa nakakuha sang bronze medal samtang may additional pa nga ihatag sa record breaker.
Suno diri, ini na ang ulihi nga tion nga kabahin sang WVRAA ang probinsya bangod sa masunod nga Palarong Pambansa mangin kaupod na sang Negros Occidental ang Negros Oriental kag Siquijor sa Negros Island Region.
Ginalauman sini nga sa masunod nga Palaro mas madamo pa gid sang gold medal nga makuha ang probinsya para sa Negros Island Region.
