Ginkumpirmar ni Negros Occidental Governor Eugenio Jose “Bong” Lacson nga nagapaidalom siya subong sa self isolation kag natalana para sa swabbing bwas, Enero 27.
Sa interview sang Bombo Radyo Bacolod kay Lacson, ginpahayag sini nga nagpositibo sa COVID-19 ang isa sa mga participant sa anti-drug summit nga ginhiwat sang nagligad nga Biyernes.
Ang amo nga persona ang nagikan sa DILG-Iloilo kun sa diin mismo si Lacson ang naghatag sang certificate of appreciation sa iya.
Magluwas kay Lacson, natalana man nga magpaidalom sa swab testing bwas ang 18 ka mga personnel sang DILG-Negros Occidental.
Suno sa gobernador, apisar naka-self isolate ini, padayon sa gihapon ang iya nga trabaho.
Ginpasalig sini nga kun may yara sang kinahanglanon ang Kapitolyo, “one call away” lamang siya.
