Pabor para sa mga e-bike drivers sa San Juan Street, Bacolod City ang pagparehistro sang ila unit sa Barangay.
Sa interview sang Bombo Radyo Bacolod kay Rocky Lopez, ang arkila sa e-bike ang yara lamang sa P130 tubtob P150, samtang P30 naman ang bayad sa kada charge nga sarang na makabyahe sa bilog nga adlaw.
Sa routa sini nga Banago, Jalandon, Regional Hospital kag BREDCO Port, siya ang maka-income sang P300 tubtob P400 kada adlaw.
Sila ang nagasukot naman sang P20 kada persona samtang P30 naman kun padulong sa BREDCO port, apang ini ang ginapanubuan man kun masobra sa isa ang pasahero.
Positibo para sa iya ang pagparehistro sa Barangay agud sila ang mangin lehitimo na nga public transportation kag wala na sang risgo nga dakpon.
Wala man sang kaso suno sa iya kun malimitahan ang ila nga routa kag indi makabyahe sa mga National Road bangod ini ang makabulig man nga sila ang malikaw sa aksidente.
May lima naman ka paradahan nga nagabyahe sa nasambitan nga routa nga nagadangat sa masobra 100 nga mga e-bike units samtang sila ang may-ara naman sang asosasyon.
