Nagapanindugan ang Filipino Nurses United nga dapat hatagan sang kinamatarong ang mga healthworkers kun luyag sini magpabakuna ukon indi.
Sa interview sang Bombo Radyo Bacolod kay Maristela Abenojar, presidente sang FNU, ginpahayag sini nga ila gid gina-abi-abi nga nalakip sila sa mga top priorities agud matublukan sang COVID-19.
Apang, indi ini dapat nga ipilit nga iadminister sang gobyerno kag dapat respetuhon kun ano ang desisyon sang mga healthworkers bangud kabuhi nila ini.
Ginakalipay man ni Abenojar nga naaprubahan na sang Food and Drug Administration (FDA) para sa emergency use ang Pfizer.
Suno sa iya, indi dapat mag-grant ang gobernador sang emergency use approval kun indi safe kag effective ang bakuna.
Nahibaluan nga nakapagwa ang Pfizer sang published report nga 95% nga effective kag safe ang ila bakuna.
Nagalaom naman si Abenojar nga makapagwa ang Department of Health sang guidelines kun paano ang vaccine roll out kag dapat equittable ang access sini sa mga pumuluyo kag indi pag-ipulitika.
Nagapati man ini nga makabulig gid sa paghaylo sa publiko nga magpabakuna kung magapanguna sanday Presidente Rodrigo Dutete kag Gabinete sini sa pagpatublok sang COVID vaccine.
