Naghatag sang mensahe si Bacolod City Mayor Greg Gasataya paagi kay Atty Mark Steven Mayo sa ginpatigayon nga selabrasyon sang National Flag Day sa Bacolod City Government Center subong nga adlaw, Mayo 28.
Sa mensahe ni Mayor Greg, ginpahanumdom sini ang importansya sang National Flag Day.
Suno diri, ini nga selebrasyon ang pagdumdum sa una nga kahiguyanan nga pagwagayway sang hayahay sang Pilipinas sang 1898.
Paathag sang Alkalde, ang hayahay ang indi lamang isa ka tela bangud ini ang mayu madalom nga kahulugan.
Suno diri, ang pula ang nagasimbolo sang kalig-onon, samtang ang asul ang nagarepresentar sang kahilwayan.
Ang puti naman ang nagakahulugan sang handum samtang ang adlaw kag tatlo ka bituon ang nagasimbolo sang pagkahiusa sang mga Pilipino.
Dugang pa ni Gasataya, ang hayahay ang isa ka pamatuod sang batasan sang mga Pilipino nga bisan ano kabug-at sang krisis nga ginaatubang, padayon nga nagapabakod kag wala nagakatumba.
Pahayag sini, makita ang hayahay nga nagasaot sa hangin, ginapahanumdom kita sini sang kabakod, kaisog kag sakripisyo sang mga Pilipino.
Gin-athag man sini nga ang espiritu sang kalig-onon kag sakripisyo nga ginarepresentar sang hayahay ang indi lang magapabilin sa libro kundi padayon nga nagakabuhi sa tagsa ka Pilipino.
