Gin-athag sang Environmental Management Bureau (EMB)-Region VI nga bisan nakumpleto na sang Hacienda Asia Plantations Incorporated (HAPI) ang dokumento nga kinahanglanon sa ila pag-operate, indi ini sa gihapon mahatag tubtob nga wala nasolbar ang reklamo sang Indigenous Peoples (IPs).
Sa interview sang Bombo Radyo Bacolod kay Forester Vicente Losbañes, sang Miyerkules may ginpatigayon nga technical conference ang EMP kaupod ang Hacienda Asia Plantations Incorporated (HAPI).
Ini may kaangatan sa pag-operate sang HAPI sang palm oil plantation sa kapin sa 6,000 hectares nga duta sa banwa sang Candoni, Negros Occidental bisan wala sang Environmental Compliance Certificate (ECC).
Suno kay Losbañes, naghatag sang commitment ang HAPI nga magcomply para makakuha sang ECC apang ginklaro ni Losbañes nga bisan makumpleto man sang HAPI ang requirements indi sila sa gihapon mahatagan sang ECC tubtob nga wala nasolbar ang reklamo sang IPs.
Sa kapin sa 6,000 hectares nga gin-develope sang HAPI, 1,000 hectares diri ang ginatiniran sang IPs.
