-- ADVERTISEMENT --

Gin-aprubahan na sang Kamara sa second reading ang isa ka hagna nga may tinutuyo nga i-extend sa anum ka tuig ang termino sang mga opisyales sang Barangay kag Sangguniang Kabataan imbes nga tatlo ka tuig na lamang.

Sa idalum sang House Bill 11287, nga gin-aprubahan via viva voce sa plenary session, ang anum ka tuig nga termino sang nasambit nga mga opisyal ang magasugod sa Hunyo 30, 2029 matapos ang synchronized Barangay and Sangguniang Kabataan elections sa ikaduha nga Lunes sang May 2029.

Wala sang elective barangay official ang magaserbi sang masobra duha ka consecutive terms sa kaangay nga position samtang wala naman sang elective Sangguniang Kabataan official ang magaserbi sang masobra isa ka termino, suno sa hagna, nga gin-author ni House Speaker Martin Romualdez kag iban pa nga House leaders.

Ang hagna ang nagahatag man sang isa ka transitory provision sa tanan nga incumbent Barangay kag Sangguniang Kabataan officials nga gin-eleher sang Oktubre 30, 2023 agud magpabilin sa opisina tubtob sa masunod nga Eleksyon sa Mayo 2029 magluwas lamang kun sila ang hukson ukon suspendihon.