Posible para sa mga bata ang madunlan ilabi na kun dalagko nga mga pagkaon ang ginabutang sa ila nga baba ukon wala pa naanad nga magkaon sang mga solid food ukon matig-a nga pagkaon.
Suno sa eksperto, ang karne kag mani ang masami nga nagapabara sa trachea.
Samtang ang sausage ukon hotdog amo ang mga common food nga makamamatay.
Samtang sa bata naman, ang mani amo ang delikado bangud indi pa ini nila ma-usap kag madunot sang maayo.
May yara sang duha ka sahi sang “choking”.
Partial choking ang nagakatabo kun makahambal kag makaginhawa pa ang nadunlan samtang complete choking naman ang kabaliskaran sini.
Para sa partial choking, pinaka-epektibo nga solusyon ang pagpa-ubo sang biktima.
Delikado naman ang pagpa-inom sang tubig sa tawo nga nadunlan bangud mahimo ini nga magdiretso sa baga.
Hampakon naman ang likod sang bata nga nadunlan kun indi na ini makaginhawa.
