Nagcrash ang isa ka helicopter nga yara sa indi otorisado nga flight sa atop sang isa Hilton hotel sa Cairns, Australia kahapon nga gintunaan sang kamatayon sang piloto kag pag-evacuate sang ginatos nga mga guests.
Alas 2:00 sang kaagahon nakabaton sang tawag ang emergency crews matapos nga nag-igo sa atop sang hotel ang twin-engine helicopter rason kun ngaa nagibwal ang kalayo sa structure kag nagtrigger sang mga evacuation.
Suno sa kapulisan, ang helicopter ang nagtake-off nagikan sa Cairns airport para sa isa ka “unauthorized flight” apang wala na ini naghatag sang dugang nga detalye.
Ang piloto, nga wala pa matumod kag nagaisahanon nga nagamaneho ang gindeklarar nga patay sa area mismo.
Suno sa mga otoridad, makabig nga isolated incident ang flight kag wala sang pagpamahog sa public safety.
Suno sa mga ini, wala pa matumod ang intensyon sang piloto kag kun paano sini nakuha ang aircraft.
