Nagpasalig ang Hiraya Waters Corporation nga sila ang indi magpasaka sang sukot sa tubig.
Sa interview sang Bombo Radyo Bacolod kay Councilor Bobby Roxas, chairperson sa Committee on Energy and Public Utilities sa Sangguniang Panlungsod, sa ila diskusyon sa Hiraya, ginpasalig sang mga ini nga ginafast track na nila ang mga projects, kag sa karun ginatutukan ang repairs sa mga water pipes nga may leakages.
Ini kaangay sa Prime Water Incorporated nga kulang ang tawo, ang Hiraya ang nagkuha sang contractor agud mapadasig ang trabaho.
Luwas diri, ginasuguran naman ang pagtakod sang lima ka libo nga dugang nga water meters.
Ini kasunod man sa mga report tuhoy sa madamo na nga kinawatay sang water meters.
Suno diri, wala sila sa karun nagalagas sa rate sang sukot, bangod ang ila nga tutok amo nga mapaayo anay ang serbisyo sa paghatag sang kalidad kag bastante nga tubig.
