Nagalaum ang Presidente sang Alliance of Hog Raisers Association of Negros Occidental (AHRANO) nga wala sang mangin dako nga epekto sa swine industry sa probinsya ang pag-extend sang 45 ka adlaw nga pagban sang live hogs, kag pork products gikan sa Negros padulong sa probinsya sang Cebu.
Sa interview sang Bombo Radyo Bacolod kay AHRANO President Pastor Ric Lauron, ginpahayag sini nga sa subong wala pa sang threat sa ila bangud ang production sang baboy ang sarang pa nga makasupply sa probinsya.
Ini bangud suno diri, sa dako nga buhin sang mortality sang nagligad nga problema sang ASF.
Sa pihak sini, nagalaum si Lauron nga kuntani makapadala sang pork products ang Negros sa Cebu.
Sa subong, suno kay Lauron na-engganyo na ang mga backyard hog raiser nga magsagod liwat sang baboy.
Dugang pa, nagbalik naman ang baklanay sang piglet.
Nagalaum man ini nga sa ber months magataas ang demand sang production kag amat-amat na magbalik taas ang presyo sang baboy.
Pahayag ni Lauron nga yara sa gihapon sa P120 tubtob P130 kada kilo ang presyo sang live weight nga baboy sa merkado.
