Temporaryo nga ginsuspend sang Provincial Government sang Iloilo ang pagbaton sang supply sang baboy gikan sa Negros Occidental.
Sa interview kay Dr. Ryan Janoya, officer-in-charge sang Provincial Veterinary Office, nga sumugod sang nagligad nga semana, wala anay nag-issue sang acceptance sang supply sang baboy ang Iloilo samtang nagapadayon pa ang ila pagpangita sang lugar nga butangan sang mga baboy halin sa Negros Occidental samtang nagaimbestigar sang suspected cases sang African Swine Fever (ASF) agud nga indi macontaminate ang indi infected sang virus.
Suno kay Dr. Janoya, sa pihak nga na-comply sang Negros Occidental ang mga requirements, partikular ang pagsiguro nga wala sang active ASF case sa sulod sang 40 ka adlaw, apang ini nga tikang ang kabahin sang pagpalig-on sang Iloilo sang ila nga biosecurity measures.
Sa karon, wala sang aktibo nga ASF case nga na-monitor ang Provincial Veterinary Office kag may yara sang bastante nga supply sang baboy apang sobra ini sa demand sang probinsiya rason nga nagalaum si Dr. Janoya nga liwat na magabukas ang Iloilo sa pagbaton sang mga ginapadala nga supply.
