Ginmanduan ni Bacolod City Mayor Evelio “Bing” Leonardia ang City Cooperative and Livelihood Development Office (CCLDO) nga magpatigayon sang livelihood program para sa mga home-based nga mga sastre nga accredited sang CCLDO nga makahimo sang washable kag reusable nga mga facemasks sa ila puluy-an.
Inisyal nga target sang ciudad ang makahimo sang 50,000 pieces sang facemasks apang posible ini nga magsaka sa 100,000 kun madamo sang mga sastre ang magapasakop sa programa.
Hatagan ang mga sastre sang pre-cut materials nga santo sa DOH-approved design kag bayaran sang P10 sa kada facemask nga ila natahi kag napasa sa CCLDO.
Tinutuyo sang programa nga maka-augment sa suplay sang commercially-sold facial masks nga malapit nalang maubos bangud sa indi mahapos kag madali nga pag-ilis sang stocks nagikan sa mga suppliers.
Magapatigayon man sang inspeksyon ang mga sanitation inspectors sang City Health Office sa mga home work sites antes tugutan ang mga sastre nga makapariser sa programa.
Ang mga finished products ang ipadala sa DRRMO para sa centralized disinfection kag packing antes ipanagtag sa medical frontliners sang ciudad kag sa Corazon Locsin Montelibano Memorial Regional Hospital, city kag barangay health workers, emergency responders, quarantine centers, PNP personnel kag check-up points, sa mga nagapatigayon sang contact-tracing, kag iban pa nga mga priority groups nga matumod sang CHO kag DRRMO.
Ang mga interesado nga mag-intra sa proyekto ang dapat may yara sang sewing machine sa ila mga balay.
Mahimo man sila mag-contact kay CCLDO head Ms. Brenda Burdeos sa 09427283838 kag kinahanglan nila magpakita sang valid ID kag sang ila 2020 cedula.
