Ginpasalig sang focal person sa BCD Hotline 479-6100 nga natrain ang mga personnel nga magabatun sang tawag sa paghatag sang public service.
Sa interview sang Bombo Radyo Bacolod kay Jovelyn Canoy, may ara sang kapin 10 ka hotline operator nga amo man ang nagahandle sa mga social service concerns sang kongresista pa si Bacolod City Mayor Greg Gasataya.
Sila ang binulan man nga gintrain, kag pasalig ni Canoy nga ang ila pagserbisyo ang indi kaangay sa typical nga call center agent nga trabaho, kundi focus nila ang paghatag sang serbisyo publiko.
Pahayag sini nga kun mahimo lang man nga gilayon nga masolbar ang ginatawag nga concern, pagatinguhaan sang mga agents nga ini ang gilayon nga masolusyonan.
Sa karun, tubtob alas-11:00 sang gab-i nga bukas ang BCD Hotline santo sa abiso sang alkalde, apang tinguhaan nila nga mahimo 24 oras ang pagserbisyo.
