Nagpatigayon na sang caucus ang House of Representative, agud estoryahan ang nagakatabo sa tunga sang Kongreso kag Senado.
Sa interview sang Bombo Radyo Bacolod kay Bayan Muna chairman kag ACT Teachers Partylist Rep. France Castro, nagpahayag si House Speaker Martin Romualdez nga indi magpa-apekto sa mga issue kag dapat magfocus lamang ang mga ini sa trabaho.
Dugang pa ni Romualdez nga ginahatag na sini kay Senator Imee Marcos ang diber nga magpamatuod sa mga akusasyon sini batok sa iya.
Suno kay Castro, sila nga mga kongresista ang bystander lamang sa away sang duha ka partido.
Nagapati ang kongresista nga ang mga pumuluyo lamang ang makaluluoy sa away sang luyag nga magpabilin sa pwesto kag sang luyag makabalik sa pwesto.
Pasalig naman ni Castro nga ang Bayan Muna ang naga-upod sa inisyatibo nga pagbawi sang pirma sa signature campaign.
Paathag sini nga madamo pa sang mga isyu nga dapat hatagan sang atensyon kag indi pa subong ang tion para sa charter change.
