Ginpabugal ni House Speaker Faustino “Bojie” Dy III nga nakapasar ang Kamara sang 17 sa 52 ka priority bills sang Legislative-Executive Development Advisory Council (LEDAC) sa pihak sang nagalala nga problema sa ekonomiya.
Sa iya nga speech antes mag-adjourn ang Kongreso para sa Week break, gindayaw ni Dy ang kolektibo nga pagpanikasog sang mga mamalidha, sa pagpanguna sang liderato sang Kamara kag ni Majority Leader Ferdinand Alexander “Sandro” A. Marcos, sa pagmentinar sang legislative momentum.
Suno kay Dy, nagaabot ang mga kadalag-an sa tion nga may madako nga global uncertainty, ilabi na ang epekto sang tensyon sa Middle East nga nagapasaka sang presyo sang langis, mga balaklon, kag nakaapekto man sa kabug-usan nga ekonomiya kag pangabuhian sang mga Pilipino.
Ginpasidunggan man ni Dy ang mga mamalidha, kag mga opisyal sang ila nga dedikasyon kag ginpahayag nga ang ila nga kadalag-an ang pamatuod sang mapisan nga pagserbisyo kag nagahiusa para sa kamaayohan sang mga Pilipino.
