Liwat naman nga magasaka ang presyo sang produktong petrolyo sini nga semana bangud sa pag-adjust sang presyo sang krudo sa world market tuga sang nagapadayon nga tensyon sa tunga sang Iran, Estados Unidos kag Israel.
Nagpagwa na sang ginapaabot nga fuel price adjustment ang Department of Energy (DOE) para sa Marso 17 tubtob Marso 23, kun sa diin ginapaabot nga magsaka ang presyo sang diesel sang P20.40 tubtob P23.90 kada litro, gasolina sang P12.90 tubtob P16.60 kada litro, kag kerosene sang P6.90 tubtob P8.90 kada litro.
Kasunod sang advisory sang DOE, gin-anunsyar sang pila ka mga oil companies ang ila ipatuman nga major price hike sini nga semana.
Ang Total Pilipinas Corp. ang magapasaka sang P20.70 kada litro sa diesel kag gasolina sang P14.10 kada litro.
Ang Shell Pilipinas Corp. kag Seaoil Philippines Corp. ang magpasaka sa presyo sang gasolina sa P16.20 kada litro kag kerosene sang P6.90 kada litro, samtang magsaka man ang diesel sang P23.90 kada litro.
Ang bag-o nga price adjustment sang Total kag Seaoil ang maga-epekto tubtob Marso 18, samtang ang Shell, Petron kag Flying V naman ang magapatuman sang ila adjustments tubtob Marso 19.
