Luyag sang chief-executive officer sang Metro Bacolod Chamber of Commerce and Industry (MBCCI) nga mabatian ang sabat sang Central Negros Electric Cooperative (CENECO) kun bala may ikasarang ini nga maghatag sang husto nga serbisyo sa maga-abot nga tinuig ilabi na sa karun nga nagadamo ang ginatukod nga buildings kag mga negosyo.
Sa interview sang Bombo Radyo Bacolod kay Frank Carbon, dapat nga naplanohan sang CENECO kun pila ang mahatag sini nga additional nga kuryente kag kun diin ini kuhaon ilabi na sa karun nga masami nga may yara sang Yellow kag Red Alert sa serbisyo sang kuryente nga posible sa palaabuton mas maglala pa gid ang sitwasyon.
Sa bahin sang business sector, sa karun nga tuman ka init sang tiyempo, wala maayo nga nagasanyog ang negosyo bangod nga madutay na lamang ang mga tawo nga nagagwa dugang pa nga masami nga naga-brownout nga nagatuga sang kabalaka sa mga negosyante.
