Ginbuligan ni Taylor Swift ang iloy sang tatlo ka mga anak nga tuman nga napilasan matapos ginrisgo ang kabuhi agud masalbar ang mga pamatan-on nga involved sa aksidente sa salakyan.
Nagdonar ang award-winning singer-songwriter sang $50,000, ukon masobra P3.11 million, sa isa ka online fundraiser nga gintukod agud mabuligan si Ashley Taunton sa iya galastuhan sa ospital kag sa pagpa-ayo.
Base sa madamo nga news outlets, naga-drive si Ashley isa ka highway samtang nagabagyo sang nakita sini nga nadulaan sang kontrol ang isa ka salakyan kag naglapaw sa highway.
Nagdulog ini kag gilayon nga ginbuligan ang mga pamatan-on apang nadulaan man sang kontrol ang isa pa ka salakyan kag nabungguan siya.
Tuman ka dako sang kahalitan sa iya physical kag internal organs gani gin-coma ini kag ginpaidalom sa tatlo ka operasyon.
Matapos ang pagbulig ni Taylor, nagdonar man ang pila ka Swifties sang tag-$13, ukon P800, nga inspired sa paborito nga numero sang singer.
Bangud sini, masobra P5.18 million na ang natipon nga pondo.
