Nakaandan nga sa Pilipinas sa tion nga magsug-alaw sang bag-ong tuig, pagpalupok sang mga firecrackers kag pagpatigayon sang fireworks display agud mangin espesyal pa ang pagsug-alaw sang newyear.
Apang sa isa ka county sa Georgia, USA, tumalagsahon ang ila pamaagi sa pag-celebrate sang bag-ong tuig, bangud indi palupok ang ila ginapalupok kundi – building.
Wala ka nagsala sa imo pamatin-an, building ang ila palukpon.
Sang tinalikdan nga tuig, ginbakal sang local government unit sang Macon-Bibb County ang isa ka hotel sa balor nga $4.5 million pinaagi sa isa ka federal bankruptcy proceeding.
Sang damlag lang, ginkasugtan nila nga mag-hire sang demolition firm agud palukpon ang building sa balor nga $2.6 million.
Sang tuig 1970 pa sang gintukod ang building apang wala gid nangin madinalag-on ang operasyon sini.
Dugang pa, nangin eyesore naman ini sa bilog nga komunidad rason kun ngaa ginpakamaayo na lang nga gub-on.
Kag sa karon nga nagahilapit na ang new year, ginaplanuhan na ang pagprotekta sa mga property owners nga malapit sa building agud indi ang mga ini madalahig kun palukpon na ang building bilang pag sug-alaw sa bag-ong tuig.
