Yara na sa 50 porsyento ang dalagan sang imbestigasyon sang Commission on Human Rights sa pagkamatay sang Toboso 19.
Sa pahayag ni CHR Commissioner Beda Epress, luwas sa team gikan sa CHR Negros Island Region, sila ang nagpadala gid sang team gikan sa CHR National office.
Suno diri, ang mga team ang nagpatigayon sang 3-days site investigation kag nag-interview sa komunidad.
Apang aminado si Epress nga sila ang may kabudlayan bangod kaangay nga nagaduhaduha ang mga residente sa pagsugid.
Madumduman nga luwas sa 19 nga miyembro sang North Negros Front nga napatay sa engkwentro sa Brgy Salamanca, Toboso; may lima pa sila ka kaupod nga nakapalagyo nga nadakpan naman sa Talisay City.
Ang lima ang nakuhaan naman sang statement sang CHR.
Nagahingyo man ang CHR sang kooperasyon gikan sa Philippine National Police, Philippine Army, kag Scene of the Crime Operation.
Pahayag ni Epress nga wala pagid nakabatun ang CHR sang documentary report gikan sa mga law enforcement agencies angot sa insidente.
Suno diri, ginadraft pa nila ang report gikan sa fact-finding investigation, nga ila man ipagwa sa media kun mahuman na.
Samtang sila ang may derektiba naman gikan sa CHR en banc para sa madasig nga imbestigasyon bangod ang isyu ang indi lamang national concern, kundi makabig na nga international concern bangod may duha ka foreign nationals nga nalakip sa mga napatay.
Suno kay Epress, kun mapamatud-an nga may kapaltahan sa bahin sang mga militar, ang pamilya sang mga biktima ang may mabatun nga financial assistance; apang sila ang wala sang mabatun kun matumod nga lehitimo kag wala sang sala sa military operation.
