Diri man mismo sa ciudad sang Bacolod patigayunon sang Department of Justice ang imbestigasyon sa nagluntad nga Sagay 9 massacre.
Ini ang kadungan sang announcement sang DOJ nga ila na imbestigaran ang pagmassacre sa mga miyembro sang National Federation of Sugarcane Workers (NFSW) sa Hacienda Nene, Barangay Bulanon, Sagay City sadtong Oktubre 20 tuig 2018 nga nagresulta sa kamatayon sang siyam ka mga tawo.
Suno kay DOJ Assistant State Prosecutor Ferdinand Fernandez, nagsulod na ang ahensya sa nagapadayon nga imbestigasyon sa krimen.
Suno kay Fernandez, ang mga respondents sa kaso ang iga-require nga magtambong sa hearing bangud ini ang patigayunon sa Bacolod.
Madumduman nga nalakip sa mga ginkasuhan amo sanday Rene Manlangit kag Rogelio Arquillo, lunsay man mga miyembro sang NFSW kag ginapahayag recruiter sang mga nagkalamatay.
Una na nga ginpahayag sang mga otoridad nga mga miyembro sang New People’s Army ang suspetsado sa krimen.
