Implementasyon sang “No Plate, No Travel” policy sang Land Transportation Office, umpisahan na sa Oktubre 15

Iga-iplementar na sa Oktubre 15 ang mandato sang Land Transportation Office nga “No Plate, No Travel” policy.

Sa interview sang Bombo Radyo kay LTO- Negros Island Region Regional Director Jeck Cunlo, ang “No Plate, No Travel” policy nakabase sa nationwide campaign sang LTO kag ang tanan nga salakyan kag motorsiklo nga wala sang plate number mahimo dakpon.

Apang paathag sini, indi man sila gilayon magdakop basta may yara sang certificate ang mga drivers nga wala pa naprovide ang ila plaka.

Suno diri, maconduct na sila sang roadside inspection samtang padayon naman ang releasing sang plaka.

Pahayag ni Cunlo wala na sang rason ang mga drivers kun ngaa wala sila sang plaka bangod nagapadulong man ang LTO sa kada-Brgy para sa releasing.