Gin-atake sang Islamic Revolutionary Guard Corps (IRGC) sang Iran ang mga base militar sang Estados Unidos sa Kuwait kag Bahrain bilang sabat sa panibag-o nga serye sang pagpang-atake sang amo nga pungsod.
Lunsay ginkumpirmar sang Navy kag Air Force sang Islamic Revolutionary Guard nga naglunsyar sila sang joint drone kag missile attack sa mga imprastruktura kag pasilidad sang Estados Unidos.
Kalakip diri ang Camp Arifjan kag Ali Al Salem Air Base sa Kuwait; kag Shaikh Isa Air Base kag Juffair sa Bahrain.
Ang Juffair ang base para sa Naval Support Activity, ang mayor nga US Navy base sa Persian Gulf, nga amo ang naga-host sa US Fifth Fleet.
Sa subong, wala pa sang detalye kun may ara pilason ukon napatay sa nasambit nga pagpang-atake sa mga base militar sang Amerika.
