Ginbasura sang Department of Justice (DOJ) ang inciting to sedition complaint batok kay Vice President Sara Duterte angot sa isa ka livestreamed rant sadtong 2024 kun sa diin ginpahayag sini nga naistorya na niya ang isa ka tawo para ipapatay sanday President Ferdinand “Bongbong” Marcos Jr., First Lady Liza Araneta Marcos, kag anay Speaker Martin Romualdez pananglitan ini ang mapatay.
Suno kay DOJ spokesman Atty. Polo Martinez, dako ang kinahanglan nga quantum of proof agud mapasaka sa korte ang isa ka inciting to sedition nga kaso.
Suno kay Martinez, ginbasura ang reklamo bangud wala nakakita ang panel of prosecutors sang prima facie evidence.
Apang, nagreklamo naman ang DOJ sang grave threats charges batok kay Duterte sa Quezon City Regional Trial Court.
Madugay na nga naka-pending sa DOJ ang mga reklamo antes pa man nag-umpisa ang impeachment trial ni Duterte.
