Inflation rate sa Pilipinas sa bulan sang Mayo, ginalantaw nga magapabilin nga mas manubo sa 2 percent

Ginalantaw sang Bangko Sentral ng Pilipinas (BSP) nga magapabilin sang mas manubo sa two percent ang inflation sang pungsod sa bulan sang Mayo.

Sa inflation forecast, ginpahayag sang BSP nga ang presyo sang consumer goods kag services ang yara sa tunga sang 0.9 percent tubtob 1.7 percent nga range.

Ginpahayag sang central bank nga ini ang bangud sang padayon nga pagnubo sang inflation sa domestic supply conditions upod sa mas manubo nga presyo sang gatong, electricity rates kag ang pagnipis sang peso.

Sang Abril, naghina sa 1.4 percent ang inflation sang pungsod nga nagamarka sang ikatatlo nga sunud-sunod nga bulan nga mas manubo sa 2 percent.

Ini ang pinakanubo humalin sang Nobyembre 2019 sang nagdangat ini sa 1.2 percent.