BACOLOD CITY – Patigayunon sini nga bug-os nga bulan sang Marso ang information drive tuhoy sa “no segragation, no collection” policy sa mga basura sa ciudad sang Bacolod.
Suno kay City Administrator Atty. John Orola, patigayunon sini nga bulan ang paghibalo sa mga pumuluyo sang sini nga polisa bangud sa masunod nga bulan sang Abril iga-implementar na ini kun sa diin kinahanglan nga na bahin-bahin ang basura sa madunot kag indi madunot bangud nga kun wala ini gina sunod, indi pag hakuton sang garbage hauler sang ciudad.
Suno sa city administrator kinahanglan nga ipatuman na ang ini nga polisa bilang kabahin sang pag sunod sang R.A 9003 ukon ang Ecological Solid Waste Management Act of 2000 nga gina-implementar sang Department of Environment and Natural Resources (DENR).
Gina suportahan naman ni Noli Villarosa, presidente sang Association of Barangay Captains (ABC) sa ciudad sang Bacolod ang “no segragation, no collection policy” apang kinahanglan suno diri nga tipunon anay ni Mayor Evelio “Bing” Leoanardia ang tanan nga punong barangay sa ciudad tuhoy sa implementasyon sang sini nga polisa.
