Nagtukod ang presidente sang Pilipinas sang Task Force El Niño agud nga magtutok sa epekto sang nasambit nga phenomenon sa pungsod.
Isa sa mga miyembro sini ang Department of the Interior and Local Government.
Sa pressconference kahapon nga ginpatigayon sa ciudad sang Victorias kadungan sang inagurasyon sang Victorias City Command and Evacuation Center (VCCEC), ginpahayag ni Interior Secretary Benhur Abalos Jr, nga isa sa ginatutukan sa karun ang mga nagaluntad nga sunog sa pungsod.
Panugyan ni Abalos nga mangin responsible house owner ang mga pumuluyo kag siguruhon nga tsekyaron gid ang mga wirings sang kuryente nga mahimo halinan sang kalayo nga magatuga sang sunog.
Santo sa data, masami nga ginatunaan sang sunog ang kuryente.
Suno diri, isa sa mga natun-an sini nga kun magsaksak sang appliances nga naga-igrab dapat na ini islan bangud dako ang posibilidad nga ini ang tunaan sang sunog.
Ginpahayag pa sini nga may yara sang programa ang Bureau of Fire Prevention nga kun sin-o ang man ang may luyag nga magpatsekyar sang electrical wirings, mahimo sila makig-angot sa Bureau of Fire Protection.
