Ginpahayag ni Bacolod City Councilor Homer Bais, chairperson sang Committee on Ecology and Natural Resources nga may matabo nga advance procurement bangod wala na sang extension pa nga ihatag sa IPM Construction and Development Corporation sa ila kontrata nga maghakot sang basura sa ciudad nga tubtob na lamang sini nga Disyembre.
Sa interview sang Bombo Radyo Bacolod kay Bais, may yara naman sang bag-o nga bidder para sa garbage hauler sa ciudad sa pag-umpisa sang Enero sa masunod nga tuig.
Suno diri, indi na maagwanta ang reklamo sang mga pumuluyo angot sa basura nga wala ginahakot sang IPM.
Pahayag ni Bais, sini nga bulan sang Disyembre lauman nga madamo gid sang basura kag nagpasalig na ang Bacolod Environment and Natural Resources Office nga mapagwa man sila sang ila equipment.
Sa karun ginapangabay ni Bais nga kun tani bisan pa nga negosyo ang lakat dapat ginatrabaho gid ang responsibilidad.
