Hugot nga ginakondenar sang Presidente kag Prime Minister sang Lebanon ang Iran matapos sini ginsikway ang panibag-o nga ceasefire deal sa tunga sang Lebanon government kag Israel.
Suno kay Lebanese President Joseph Aoun, indi dapat magpasilabot ang Iran sa ila nga pungsod kag ginpahayag nga ginagamit lamang nga “bargaining chip” ang Lebanon sa negosasyon sini sa Estados Unidos.
Ini ang gin-ugyonan man ni Prime Minister Nawaf Salam, nga nagpanawagan nga indi dapat himuon nga patag-awayan ang Lebanon para sa interes sang iban.
Kadungan sini, nagapadayon ang tensyon matapos maglunsyar sang airstrikes ang militar sang Israel sa nabagatnan nga bahin sang Lebanon, nga ginkamatay sang siyam ka indibidwal kag nagtuga sang lapnagon nga pagbakwit sang mga pumuluoy sa pila ka mga kabanwahanan.
