May pamilya naman nga nagdangop sa ABE Funeral Homes kahapon nga nagtsekyar kun ang ila namissing nga himata ang tag-iya sang mga chop-chop nga bahin sang lawas.
Apang ini ang wala nakumpirmar, bangod ang ila ginapangita ang gina-alegar may katol sa tiil, nga wala man nakita sa nawala nga tiil nga yara sa ila paghinakop.
Sa interview sang Bombo Radyo Bacolod sa imbalsamador nga si Alyas Jun, ang mga parte sang lawas ang temporaryo nila nga ginapreserbar pinaagi sa formalin, kag wala paman sila sang abiso kun san-o ini ilubong.
Ginpasalig sang konsehal nga igahatag sang Bacolod City Council ang kinahanglan nga supporta apang dapat nga makapakita man sang kasulbaran ang Bacolod City Police Station sa mga kaso sang mga utod nga bahin sang lawas sang tawo nga ginahal-id sa ciudad.
