Apat na ka mga person under investigation angot sa coronavirus disease ang nagtaliwan sa ciudad sang Bacolod.
Santo sa kumpirmasyon ni Dr. Grace Tan, spokesperson sang Inter-agency Task Force Against Coronavirus Disease, nagtaliwan kahapon ang 60 anyos nga lalaki nga pasyente bangud sa cancer.
Una naman nga naggwa ang resulta sang laboratory test sini nga negatibo siya sa COVID.
Nahibaluan nga ang iban nga PUI nga napatay amo ang 63 anyos nga babayi nga may travel history sa Manila kag may exposure sa may kumpirmado nga kaso.
Napatay ini antes pa man makagwa ang resulta sang test nga positibo ini.
May isa man ka lalaki nga pasyente nga napatay bangud sa cancer apang nagnegative ini matapos ang COVID testing.
Ang 42 anyos naman nga lalaki, driver, tagaCebu apang naga-istar ini sa isa ka barracks, naga-angkon sang hilanat kag napatay ini nga wala pa nakagwa ang resulta tubtu subong.
Sa subong, may ara nalang sang tatlo ka admitted sa isolation room.
Buhi naman ang 40 anyos nga lalaki nga naglapta nga napatay na, apang yara pa ini sa subong sa kritikal nga kondisyon.
Sa kabug-usan, may yara na sang 615 PUM nga dapat magtinir sa panimalay kag may-ara naman sang anom ka PUM nga ginkunsidera na karon nga PUI.
Sa subong, may-ara na 1,597 ang nakatapos sang ila home quarantine kag 2, 253 ang PUM nga yara sa siyudad sang Bacolod.
