Patay ang isa ka tuig nga bata matapos maglabog sang nabuy-an sang iloy samtang nagasakay sa tricycle kasunod sa aksidente nga nagluntad sa Hda. Balandra 2, Barangay Daga, Cadiz City, Negros Occidental, sang Miyerkules alas- 7:00 sang aga.
Ang drayber sang tricycle ginkilala nga si alias “Jun” 29 anyos kag nagasakay diri ang 45 anyos nga babayi bitbit ang iya isa ka tuig nga bata.
Sa interview sang Bombo Radyo kay PLt Daleen Garce Loreno, Deputy Chief of Police sang Cadiz City Police Station, ipacheck-up kun tani sang iloy ang iya bata bangod nagalain ang pamatyag sini.
Suno diri, samtang nagabyahe, ginlamon sang goma ang tapaludo sang tricycle amo nga nadulaan sang kontrol ang drayber.
Nagtabog ang bata matapos mabuy-an sang iloy kun sa diin nag-agom ini sang pilas.
Ginhingagaw pa dala sa ospital ang bata apang gindeklarar nga dead on arrival.
