Ginpahayag sang Israel nga padayunon sini ang pagpugong sang humanitarian aid nga nagasulod sa Gaza, kun sa diin isa ka relentless military offensive ang gintunaan kun ngaa nangin isa ka “mass grave” ang Palestinian territory.
Nagresume na ang Israel sa pagpatigayon sang air kag ground attacks sa palibot sang Gaza Strip sang Marso 18 kag gintapos ang duha ka bulan nga ceasefire kaupod ang Hamas kun sa diin suno sa mga rescuers, indi magnubo sa 11 ang nagkalamatay sa strikes sa palibot sang Gaza.
Ginpauntat na sang Israel ang pagpasulod sang ayuda sa Gaza sang Marso 2 nga gintunaan sang paglala sang humanitarian crisis sa nasambit nga teritoryo.
Suno kay Defence Minister Israel Katz, magapadayon ang Israel sa pagpugong sang ayuda sa pagsulod sa teritoryo nga ginatiniran sang kapin 2.4 million nga mga pumuluyo.
