Gin-anunsyar ni Israeli minister Benny Gantz ang iya resignation nagikan sa emergency government ni Prime Minister Benjamin Netanyahu.
Si Netanyahu ang nagpagwa sang malip-ot nga statement nga nagapanawagan kay Gantz nga indi pag-abandonar ang front apang ang iya pagbiya ang indi man makahalit sa parliamentary majority nga may 64 ka mga seats sa 120-seat Knesset nga ginauyatan sang ruling right-wing coalition.
Sa isa ka televised news conference, ginpahayag ni Ganz nga si Netanyahu ang nagapugong sa ila sa pagpadulong sa matuod-tuod nga kadalag-an gani sila ang magabiya sa emergency government nga may mabug-at nga tagipusuon apang puno naman sang kumpiyansa.
Ginlauman na nga sang Sabado pa kuntani magaanunsyar si Gantz sang iya resignation apang wala ini nadayon matapos ang dramatic nga pagrescue sang Israeli forces sa apat ka mga hostages.
