Ginpahayag ni Israeli Prime Minister Benjamin Netanyahu nga ang bisan ano nga Gaza ceasefire deal ang dapat magpahanugot sa Israel nga padayunon ang pag-ilinaway tubtob nga malab-ot sini ang ila mga objectives kadungan sang pagrestart sang paghinun-anon natuhoy sa truce sa Gaza.
Lima ka adlaw matapos nga ginbaton sang Hamas ang isa ka key part sang plano, ginpahayag sang Palestinian militant group nga sila ang nagahulat pa sa sabat sang Israel sa latest proposal.
Si Netanyahu ang natalana nga magpatigayon sang mga konsultasyon natuhoy sa masunod nga mga tikang sa pagnegosyar sang three-phase plan nga ginpresentar sang Mayo ni US President Joe Biden kag ginamediate sang Qatar kag Egypt.
Tinutuyo sini nga tapuson ang gyera kag mahilway ang 120 ka mga Israeli hostages nga yara sa karun sa Gaza.
Una nga nagdemand ang Hamas nga dapat magcommit anay ang Israel sang isa ka permanente nga ceasefire antes ini magperma sang isa ka agreement.
Apang suno kay Netanyahu, ang kasugtanan ang indi dapat magpugong sa Israel sa pagpadayon sang gyera tubtob nga malab-ot ang objectives sini nga maubos ang Hamas.
