Israeli Prime Minister Netanyahu, wala nahadlok sa pamahog sang iban nga pungsod matapos ang pag-atake sa Qatar

Wala nahadlok si Israeli Prime Minister Benjamin Netanyahu sa pagpamahog sang pila ka mga pungsod matapos ang ginpatigayon nga pag-atake sini sa Qatar.

Ginwarningan sini ang Qatar nga magapadayon sila sa pag-atake kun wala nila ginpahalin ang mga Hamas.

Dugang pa sini nga indi lamang Qatar kundi tanan nga pungsod nga nagatago sang mga terorista ang dapat pahalinon ang mga ini.

Kun indi ini mahimo sang pungsod, suno diri, siya na ang magahimo sang tikang.

Madumduman nga nagpatigayon sang airstrike ang Israel sa Qatar bilang pagtimalos sa pagpangluthang sa Jerusalem nga gintunaan sang kamatayon sang anum ka mga persona.