Ginpasalig sang aktor nga si Jake Cuenca nga wala sang bitterness ang pagbulagay nila sang aktres nga si Kylie Verzosa.
Sa post sang Abril 23, ginpakigbahin sang aktor ang duha ka litrato, isa diri ang figurine niya, kay Kylie kag sang ila nga ido, kag ang isa ang litrato sang ila nga naga-uyatay nga kamot.
Ginsulat sini sa caption ang “This was us”.
Intes ginkumpirmar nga sila ang bulagay na, ginpahayag pa sang aktor nga panguyatan sini ang tanan nila nga mga precious memories nga upod kag hatagan ini sang dako nga balor.
Dugang pa sini nga ang nakaligad nga tatlo ka tuig sang iya nga kabuhi ang pinaka best na para sa iya.
Pahayag sang aktor nga proud gihapon ini sa ila bangod indi nila luyag nga magbreak nga may kaakig kag gusto gihapon sang mga ini nga sarang makapinsar sang ila nga nangin relasyon nga wala sang kaakig, wala bitterness kag wala sang regrets kag mga maayo lang nga memories nga iya nga panguyatan.
Pahayag sini nga padayun niya gihapon nga suportahan si Kylie kag ipangamuyo ang success sini, kasubong man ila nga tapuson ang ila nga relasyon sa kun paano sila nag-umpisa, bilang mag-abyan.
Suno sa aktor, bisan diin man ang aktres kag ano man ang ginabuhat, permi gihapon ini magapadala sang pagpalangga kag positivity.
Ginapahanumdom man sini sa aktres nga may ara sang persona nga permi proud sa iya.
Si Jake kag Kylie ang nag-umpisa sa pagdate sang late 2018, apang nangin publiko lang ang ila relasyon sang Hunyo 2019.
