Padayon ang search and rescue operations sa isa ka candy factory sa Banten, Indonesia, matapos magluntad ang isa ka sunog sang Sabado sang gab-i.
Suno sa mga otoridad, 24 na ka mga body bags ang narekober naggikan sa lugar, samtang indi naman magnubo sa 30 ka tawo ang wala gihapon nakit-an.
Ginabanta sa kapin 300 ka mga empleyado ang yara sa sulod sang pabrika sang matabo ang insidente.
Bangud sa intensity sang sunog, indi na makilal-an pa ang mga bangkay sang biktima, gani kinahanglan nga ipaidalom ang mga ini sa DNA testing agud matumod ang ila nga identity.
Natalana nga ipadayunon ang search ang rescue operations subong nga adlaw, apang ginakabalak-an naman sa operasyon ang posibilidad nga marumpag ang pila ka bahin sang naguba nga establisyemento.
Nakuha naman sang mga otoridad ang mga DNA samples halin sa mga himata sang mga missing nga factory workers.
Ginabanta magdangat sa duha tubtob tatlo ka semana ang proseso sang pagkilala sa mga biktima.







