Yara na si James Harden sa top 10 sang all-time scoring list sang National Basketball Association (NBA), apang ang iya 34 ka puntos ang indi makaigo agud nga mabatak ang Los Angeles Clippers sa ila pagkalutos batok sa Minnesota Timberwolves, 109-106.
Antes ang hampang, ang 36 anyos nga si Harden ang nagakinahanglan lamang sang 20 points agud mabuslan si Carmelo Anthony sa No. 10 nga may 28,289 points.
Matapos nag-score sang 19 points antes ang halftime, nalapawan niya si Anthony sa nabilin nga apat ka minutos sa third quarter.
Si Harden ang isa lamang sa tatlo ka active players sa top 10, upod sanday Kevin Durant sang Houston sa no. 8 kag ang 40 anyos nga Los Angeles Lakers star nga si LeBron James nga nagapanguna sa listahan sa iya 42,268 points matapos nalapawan si Kareem Abdul-Jabbar (38,387) sang 2023.
Ang ginatawag nga “The Beard” nga yara sa iya 17th season, ang leading scorer sang NBA sa tatlo ka sunud-sunod nga season halin sang 2017 tubtob 2020.
